马德里王宫（西班牙文：Palacio Real de Madrid）从17世纪开始，就是西班牙国王个正式驻地。老早是一座军事用途个城堡，到18世纪西班牙波旁王朝接替西班牙哈布斯堡王朝之后，成为费利佩五世选定个正式王宫。迭个宫殿是按照典型个法国风格修造个，反应18世纪法国式集权搭审美对西班牙个深重影响。
位于马德里市中心西部的Bailén街。离有名个西班牙广场搭大广场侪蛮近，是一个邪气闹猛个场化。王宫西面是老早个狩猎宫苑，有老大个绿地环绕。王宫大门面朝军械广场（Plaza de la Armería），广场对过是代表天主教威力个阿幕灯圣母主教座堂。离此地顶顶近个地铁站是歌剧院站（Estación de Ópera）。
乃朝，西班牙王室嘸居住勒此地。弗过，一般元旦、圣诞或者重大节日庆典，会来到迭个宫殿进行活动。迭个宫殿弗定期对公众开放，一般遇到重大个事体，就会关门，作为王室接见外宾或者商讨重要事体个场化。
